فيلم OZ land 2018
مرحبا، أقدم لكم الفيلم الياباني الساحر "OZ land"
الاسم بالروماجي: Ozu Rando: Egao no Maho Oshiemasu
نوع الفيلم : درامي - كوميدي - أعمال
سنة العرض : Oct 26, 2018
مدة الفيلم : ساعة و46 دقيقة
المخرج: هاتانو تاكافومي
-الفيلم يصلح للمشاهدة العائلية-
لا تسير الأمور كما رغبت "ناميهيرا كورومي"، حيث يتم نقلها للعمل في قسم تخطيط المشاريع
في حديقة ترفيهية بمدينة صغيرة ، وتتعلم هناك أنها تحتاج أمورًا أكثر من خبرتها الأكادمية
لإتقان العمل.
(الفيلم مقتبس من رواية ozu no sekai ومستلهم من المسرحية الخيالية الشهيرة -أوز-)
لإتقان العمل.
(الفيلم مقتبس من رواية ozu no sekai ومستلهم من المسرحية الخيالية الشهيرة -أوز-)
جودة عالية (1.18 GB):
أرجو لكم مشاهدة ممتعة~
اريجاتوا على الترجمة
ردحذفشكرا 💗
ردحذفحضرت الفيلم وانا بحكي انه لطيف، بس حبيت احضر اشي خفيف زي ما بيحكوا
ردحذفبس طلعت من الفيلم كتير مستمعة بالطاقم اللي عنجد لو غيروا حدا ما راح يكون بهادا الجمال
اول اشي واللي زود جمال الفيلم عن اي فيلم تاني ما بطلع منه باقتباسات، اقتباساته اللطيفة والبسيطة بس حسيتها زي حكم في الحياة ومنطقية جدا لدرجة فيه وحدة ضحكت عليها لانها بتمثل اختي وهي نفسها فرطت ضحك اول ما قرتها من كمية الواقعية اللي فيها كانها بتحكي عنها وهي هادي الجملة:
" الأطفال لن يقتربوا من أشخاص بالغين بوجوه مكتئبة. "
الجملة عكسي تماماً، وبتمثل اختي التوأم كمان هههههه
.............................
" أردتُ القيام بعمل يدفئ قلبي. "
ما احلى تعبيره، وهادا الممثل اوكاياما كتير بحب ادوراه وان كانت بسيطة بس بحس دايما بحب يوصل رسالة من شخصيته حتى لو كانت ثانوية، لاني دغري تزكرت دوره في مسلسل عزيزتنا ساكورا ومن بعديها حبيت احضرله اي اشي وكمان كنت مبسوطة انه اجتمع مع آي للمرة التانية برضو كانوا في مسلسل عزيزتنا ساكورا فاشي كتير لطيف وانا بحضرهم مع بعض
.............................
" أنتِ تعجبيني، لا يمكن التنبؤ بكِ دائماً. "
انا نقطة ضعفي هادي الجمل، اللي بتكون واو من قصرها، وكمان بحبها اكتر لما يكون البطل نيجشيما يحكيها، هادي لحالها قصة حب تانية ههههههههههه
.............................
" الحمقى فقط هم من يغترون بأنفسهم سريعاً. "
وهادي كمان ماري اكتر ممثلة بحسها بتفرطني ضحك في كل اليابان، بس لمجرد انها تحكي من طريقة حكيها وعفويتها اللطيفة، كلامها منطقي جدا في هادي الجملة بالزات
.............................
" يبتكر الناس أفكاراً جديدة بناءً على تجاربهم الشخصية. "
هادي اكتر وحدة حبيتها من الاقتباسات اللي اقتبستها، صح مع انها صغيرة بس انا خلص لو طلعت بجملة وحدة بكون كتير مبسوطة
.............................
هلقيت نيجي لكل شخصية، بالاول صدقا اول ما شوفت البوستر بس لما شوفت نيجيشما حملت الفيلم واليوم بس طلعت على البوستر مرة تانية، لمحت بعض الابطال ما عدا هارو هههههه عنجد هبل، بحب أدوارها كتير بس مش لدرجة اني اروح احضرها عمل خاص عشانها، بالغالب بكون عشان حدا تاني، وهان نفس االشي عشان نيجيشما، وطبعا دوره هان كتير فخم لاني سبحان الله من الصدف الجميلة اني امبارح كنت مخلصة مسلسل ضوء الشمال وبحب ادوراه لما تكون هادية، فتقريبا هادي اول مرة احضرله بشخصية هيك مرحة ودخلت قلبي وكتير أثرت فيا، وخصوصا انه فيه اشياء انا نفسي اعملها وتكون دائما في شخصيتي، لدرجة مش قادرة اعبر عن حبي لشخصيته من جمالها وتفكيرها ومساعدتها للناس وكيف بفكر من الاساس
كل تصرف مع كل حدا كان كتير حلو، بس مشاعره مع هارو كانت الاجمل بالاكيد، لما لبسها الطاقية (القبعة) عشان تعيط، ولما اخد منها جهاز الاتصال لما اجى حبيبها، كل اشي كان يعمله معها هيك مشاعر حلوة عنجد الواحد وهوا بيحضره مش قادر من كمية المشاعر الحلوة اللي فيه
شخصية هارو بحب هادا النمط كتير، اللي بكون واحد وبخلص الفيلم وبصير واحد مختلف جذريا، والاحلى لما كل واحد صار يحكيلها صرتي كتير تشبهي نيجيشما في افعاله وافكاره كمان، حتى انا كمان انخدعت زيه في القنبلة، وما احلى المشهد لما كان في المنطاد وشكرها وهي ما عرفت ترد يا الله ما احلاهم عنجد
كتير مواقف خلتني افرط من الضحك حرفيا وعدتها اكتر من مرة، بس عنجد كتير زعلت لما انفصلت عن تومويا، ليش وانا كنت مبسوطة لما اجالها في وقت ابكر وكان المشهد كتير حلو لما بعدت عشان معرقة وهوا ما قدر، ما الطفه عنجد، والاحلى لما نفسها ماري صارت تحكي عنه انه وسيم وجابلي هدية خصوصي ههههههه ما قدرت هان
وكتير فيه ممثلين ما بعرفهم كتير خصوصا الطويل اول مرة اشوفه اصلا بس كتير شطور في التمثيل، وطبعا آي ابدعت في شخصيتها، ما توقعتها بهادا الابداع، وهادي كمان حبيت شخصيتها، كل شخصية في الفيلم حرفيا بنحب منها لو اشي بسيط
الفيلم بنصح فيه لما يكون الواحد بدو يحضر اشي بس بنفس الوقت بكون طالع منه باشياء فخمة من مشاعر وكمية ضحك خفيفة على القلب
شكرا كتير على الترجمة ^_^
شكراً جزيلاً على الترجمة 💕
ردحذفاستمتعت بالمشاهدة.