فيلم Scroll 2023
أقدم لكم الفيلم الدرامي الشبابي Scroll 2023
الاسم بالروماجي: Sukuroru
سنة العرض : فبراير - 2023
مدة الفيلم : ساعة و57 د
سيناريو وإخراج: Shimizu Yasuhiko
(الفيلم مقتبس من رواية بنفس الاسم من كتابة المؤلف الياباني هاشيزومي شونكي)
(الفيلم مقتبس من رواية بنفس الاسم من كتابة المؤلف الياباني هاشيزومي شونكي)
يصوّر الفيلم حياة 4 شباب ومكافحتهم في التغلب على الفجوة التي تفصل بين طموحاتهم والمجتمع.
جودة عالية:
(ملف الترجمة موجود في قناة التلغرام)
أرجو لكم مشاهدة ممتعة
أرجو لكم مشاهدة ممتعة
ممكن تنزليه على mega
ردحذفيا ريت
حذفاحلى ما في الفيلم انه ما بتقدر تدخله بمود عادي او اذا كنت نعسان، مليان مغزى نفسي في كل لقطة، وخصوصا العتمات اللي بتعكس كتير عالفيلم والوانه الغامقة، ومبسوطة اني بحضره وانا حاليا في مرحلتي الجامعية خصوصا في اخر سنة، والحلو في الموضوع انه الاربعة حبايبي، وحبيت الميكس اللي جمعهم، وكل شخص والتاني كيف الكيميا اللي ربطتهم، او حتى المواقف، وبعدها صارت تنشأ هادي الكيميا بيناتهم، بداية من تايتشي، اللي دائما على قناعتي التامة انه هوا مبدع في الأفلام اكتر من المسلسلات، أو يمكن لانه الافلام بتعطيه الأدوار اللي من خلالها بحب اقيّم تمثيلهم، وبيعجبني كتير في الأدوار الدرامية أكتر من الكوميدية، مع انه عسل جدا وبكون في حالة عشق رهيبة، بس لما اشوفه بهيك ادوار بكون في قمة سعادتي، وبحس اعماله مقارنة بالباقيين مش كلها بتترجم، الا جديد، فانا ما بصدق الاقي اله فيلم واحضره، وهنا جاي في عمله من اشيائي المفضلة، اوكي مش تلفزيون بس عالاقل بحب الافلام وبعملها، وبعيدا انه شخصية تاكومي كانت هي المحور والعادة مبين انه كان البطل حتى لو كان الفيلم بطولة جماعية، بس تايتشي لا يُعلى عليه صراحة، الفيلم حطني في الحيرة الي احبها، اقعد اقرر مين حبيت اكتر او مين ابدع اكتر من التاني، فانا كنت في أحلى مراحل شعوري، بس حلو انه صح كان مستهتر في كتير من علاقاته وكتير من اموره ما بياخدها على محمل الجد، بس عرف حاله بالنهاية حتى لو ما فهم نفسه كتير شو بده، او شو محتاج، واكيد ما راح نسى ضحكته الساحرة في اي موقف بكونها، بس احلى رد في كل الفيلم لما رد على صاحبه المنتحر، انه هي اوريدي من نفس المجتمع اللي حكت عنه السبب ولازم ينعمل حد تجاهه..
ردحذفنيجي الان لدور تاكومي، الهادي، اللي بيكتب خواطر عميقة، وفي بعض الاسطر مش كلها اعتقد انه اكتر من حدا حضر الفيلم شاف حاله فيها، وحبيته جدا لما حكى انه انا مش عارف أتأقلم بما معناه في المجتمع وهو أنا جزء منه، فالاشي بالتالي بيعتمد عليا لما احكم عليه بشكل صحيح ومنصف كمان، ومشاهد القداحة كتير عجبتني كيف الأضواء.
بينما مايي فشخصيتها عجبتني كتير، وكيف ركزوا عليها اللهفة ورا الززواج وكيف كل شخص بينظر اله من منظوره الخاص، وطبعا انا دايما بحب ملامحها الطفولية وصوتها الناعم، وهنا بقصة شعرها طلعت انمي عنجد، وحلو كمان كيف لما حكت لصاحبيتها انه اذا بدك تعرفي كل اشي راح يصير مرهق، وفعلا هادي حقيقة كل العلاقات بشكل عام ما لم تتم على زواج بحكم الشفافية، وأنا كمان حتى لو بالزواج باعتقادي انه الشخص الا ما تضل اله مساحته الخاصة اللي ولا حدا بيعرفها وبحقله كمان ما يحكيها لاي حدا طول ما هوا مش حابب ولا مضطر كمان.
بينما كوتوني الي عمل عن عمل بزداد حبي الها. مبدعة بكل أدوارها وشعرها اللابق عليها اكتر من غيرها، حبيتها كيف احتوت كوتومي، وتصرفها اللي عملته في الشركة واستقلالها بتفهم بس بتضلها برضو طبيعة كل شخص، هي بتميل للجرأة شوية بحكم حرية هوايتها الرسم، وهادا كتير بلاحظه وبنفس الوقت اشي حلو في الشخصية لما تحس انها مش قادرة وتوقف حتى لو أثّر على حياتها من عدة نواحي وأهمها المادية والنفسية.
فيلم عميق واذا بدي اعيده ما بعيد مقاطع بل كله لانه راح يعطيني مغزى غير عن المرة الاولى وهادا من ابداع المخرج، اذا بتشوفي افلام لتايتشي مش مترجمة بكون ممتنة لو ترجمتيها💕
وأختم بفقرتي المفضلة كالعادة ~
الاقتباسات/
"الذكريات هي أشياء حتى إن نسيتها.. ستأتي يوماً تضطر لمواجهتها فيه".
……
"- ما مدى إعجابك به؟
- حالياً اورد معرفة كل شيء عنه".
……
شكرا كتير snlight على الترجمة والحجب 💚🌸